下午我地會去恩納的resort住一晚，
得番朝早係那霸度玩，
所以我地要抓緊d時間去寄明信片->首里城->酒店Check out->12:50pm搭利木津巴士去恩納！

我地食完早餐就寄行李係酒店，
然後就去郵局寄明信片！
(明信片係古宇利島買，詳睇冬日非自駕沖繩遊 Day2a (Local Tour,古宇利島,屋我地大橋,備瀨福木林道))

酒店附近就有間郵局，行5分鐘就去到。
(酒店Review詳睇冬日非自駕沖繩遊 酒店篇 (那霸,DoubleTree by Hilton Hotel Naha))

由沖繩寄明信片到香港的郵費係60円每張，
寄左7張總共420円。
我地買完郵票，
個職員超好人咁幫我地搞掂哂佢！(貼郵票&拎去寄)
第一次寄明信片的服務會咁好！呢種窩心的服務真係好難忘！

記錄一下當時我地買左支Yakult出的お茶。(咩係お茶呢？有無人日本達人解答下？)

9點半我地出發搭monorail去首里城！

最高有正殿、北殿個度就係收費區啦。

守禮門，
受中國文化影響，首里城充滿著中國的特色，
牌匾上面寫住守禮之邦，睇得出當時琉球係一個重視禮節的王國。

歡會門，
此時天色好似差左，
呢度原來就係首里城的正門，
歡會門係爲左歡迎中國皇帝派遣的使者。
瑞泉門，
意思係吉祥之泉，
因為門前有個「龍樋」泉水而命名。
漏刻門，
係因為箭樓中有一個以水記時的水鐘而命名，
另外，位高權重的官員亦都會係呢度落轎行入城裡面。

過左漏刻門之後，
可以俯瞰到那霸的景色，
遠少少仲見到海平線添。

廣福門，
令我諗起大埔的廣福道，
呢度而家係售票處。

原來有單軌電車的乘車劵會有discount！大約係8折的優惠！

所以我地每人只需比660円，每人都慳左10蚊港紙有多架！

收費區域的地圖，
其實範圍係好細，只有正殿、北殿、南殿。

我地首先去左北殿參觀，
入面有一D展覽講解首里城的歷史。

呢個模型展示著中國皇帝派遣到琉球的使者的行列圖，
原來琉球有國王就位的時候，
中國皇帝會派遣使者(稱為冊封使)黎琉球舉行國王登基儀式。

之後我地就去左南殿，
南殿入面係日式的設計，
所以入南殿前要先除鞋先可以內進，
佢會比個膠袋你裝住自己對鞋，然後自己拎住。

北殿主要都係國王的辦公室。

而呢度係鎖之間的入口，
係王子休息的地方，亦都用來招待各方官員懇談政務。
而家變成左一間品嚐琉球時代的傳統點心的餐廳！

南殿同正殿相通，
我地最後就去正殿啦，
我覺得正殿係最充滿中國的感覺。

「中山世土」的牌匾原來係康熙皇帝御書，
牌匾下就係國王的御椅，
御椅原來只係仿製品黎。

而呢個「永祚瀛壖」係乾隆御筆的，
另外仲有一個「輯瑞球陽」係雍正御筆(人太多影唔到)
可見清朝的時候，中國同琉球非常友好。

11:45am，我地離開首里城。

我地想買頭先食過的餅，
於是就打算去新垣菓子店，然後係儀保站搭番去酒店。
我建議大家都係係首里站行去首里城，
個邊主要係平路。
而儀保呢條路比較斜，
適合離開先行。

當時係11:54am，
D餅已經全部賣哂兼收左鋪，
估唔到會咁快賣哂，可想言之，D餅係有幾搶手啦！
最慘的係，我地搭monorail的時候，
竟然見到有人拎住新垣菓子店的袋，
睇黎我地黎遲一步了，
希望我地將來有機會再黎買啦！
－－－－－－－－－－－－－－－－－－－－－－－－－－－－－－－－－－－－

買唔菓子就買雪糕黎食啦，
咁岩行到熱熱地，食番支雪糕啦。
電車站放左一部好多味選擇的雪糕機真係好吸引呀！

我揀左薄荷朱古力味！130円

我地呢次旅程最後一次搭monorail。

售票處就係旭橋站的出入口1，
我地搭路線C，往ANA萬座海濱洲際酒店。
我地搭一個站係Hotel Moon Beach度落，
車程約65分鐘，當時價錢係1,400円一個人。

車站等車中，
雖然我地搭12:50pm的車，但係要早15分鐘到車站確認車票＆整理行李架。

車上的座位都好舒服，一開車我地就倒頭大睡了。
到左Hotel Moon Beach，
resort就會有車接我地去Kafuu Resort Fuchaku Condo Hotel啦。