11月3日：Pre早：酒店早餐 -> 早：興隆居 -> 鼓山輪渡 -> 旗津 -> 彩虹教堂 -> 旗津海珍珠 -> 旗津星空隧道 -> 下午茶：旗津海產店 -> 新堀江商圈 -> 晚：轉角慾到鍋燒&咖哩飯
起身嘅第一餐就係落酒店餐廳食早餐，
食物種類唔算多，
遲啲會出篇blog介紹間酒店。
出發前係捷運站嘅鋪頭仔見到好多P助兔兔嘅貼紙！
台灣真係勁抵買，立即每款都帶返屋企！
我哋搭捷運去市議會站出口1黎呢間興隆居，
食我哋嘅第二餐！
地址：高雄市前金區六合二路186號
黎興隆居必食就係湯包啦，
我哋叫咗一人一杯豆漿同一人一個湯包。
仲叫咗個唔記得叫咩嘅包啦lol
食完飽飽嘅早餐我哋再搭捷運啦，
嚟個合照先。
我哋去西子灣站出口1，
行去鼓山輪渡搭船去旗津。
航班資料同票價請睇官網啦。
我哋上船啦。
出發去旗津啦，
船程大約10分鐘。
到咗旗津啦，
我哋喺旗津老街租咗架電動嘅家庭車，
唔洗用力踩好正呀，
可惜香港唔比踩電動單車。
我哋黎個合照先啦，
希望唔會炒車XD
旗津島好大架，大約1.46平方公里大，
所以租架電動四輪車周圍去就最方便啦。
第一站就黎咗彩虹教堂，
簡直係旗津必黎打卡嘅景點呀。
我哋4個影張合照先，
有冇發現其實我哋係夾咗dress code架呢？
答案就係牛仔褲啦，咁岩兩個長兩個短XD
彩虹教堂隔離仲有個粉紅色三角型教堂，
當然彩虹教堂係最好影嘅。
三角教堂正面全白色仲靚呀。
下一站就黎咗旗津海珍珠，
超巨型嘅貝殼藝術裝置，
又係旗津必黎打卡嘅景點。
影完個海珍珠，
我哋就差唔多揸返轉頭啦，
經過呢度幾靚就影下相休息下。
坐住單車睇海景都好舒服。
踩返去旗津老街還返架電動家庭車，
然後就買杯廢水飲下。
之後我哋就行去旗津星空隧道，
網上面話星空隧道牆上有好多鯨鯊、魚群等等嘅海洋生物夜光彩繪，
當然我哋就見唔到咁夢幻，
只係好多塗鴉咁嘅隧道。
反而行完隧道嘅山景都幾靚，
我哋影返張合照啦。
行完星空隧道再行返去旗津老街，
見到呢檔旗魚黑輪就試吓。
係咪好吸引呢？
旗津老街好多間海產店，
我哋就求其揀間入去食啦。
之後就黎左呢間旗津海產店啦。
地址：台灣高雄市旗津區廟前路35號
門口放咗魚，
我哋就揀咗條大眼雞啦。
我地叫左碟菜，TWD$120，
仲有一碟海瓜子，TWD$150。
跟住呢碟係蚵仔煎，TWD$200。
黎旗津緊係要試下烏魚子啦，TWD$250，
烏魚子其實係雌性已孕嘅烏魚卵巢，
呢間店將烏魚子切片再燒一燒，仲配咗啲白蘿蔔、蔥、芫荽、蘿蔔絲。
呢碟係花蟹，TWD$370，
原來台灣會叫蟹做虫市架。
最後終於上左大眼雞，TWD$360，
可惜我食完先記得影，
見佢冇乜肉剩就知道好食啦。
4個人6碟餸，總共食咗TWD$1450，
都幾抵食呀。
食完海鮮繼續行下旗津老街。
明明岩岩食完海鮮，
見到炭烤香腸又忍唔到口啦。
每款味買咗一條試下，
順便對住旗津老街影返張合照。
大家覺唔覺得呢檔野好熟口面，
我哋去星空隧道之前已經買咗一杯，
由於太好飲，
呢位靚女又買多杯飲XD
我地就試吓新嘢啦，
呢間叫做傳統手作粉圓。
試下佢地嘅黑糖鮮奶粉圓。
然後我哋就離開旗津啦。
----
跟住我哋就去咗中央公園站附近行下街，
見到呢間米塔黑糖，
我哋又買廢水飲啦。
地址：台灣高雄市新興區五福二路262號
間鋪名有黑糖，就緊係試吓佢哋嘅黑糖珍珠啦。
我地去完光南大批發買野之後，
就黎咗新堀江商圈行街食嘢。
呢間天使雞扒勁多人排隊食，
所以我哋都買一塊試下。
大家覺得大唔大塊呢？
行行下遇到呢間Bonny & Read首飾店，
Rebecca話佢經常網購呢間店嘅飾物，
所以我哋入去行下啦。
地址：台灣高雄市新興區新田路130號
令我覺得好驚喜嘅係門口有購物兜拎，
白色代表你需要店員協助，
粉紅色代表唔需要店員協助，
我哋就緊係唔想比店員sell，拎咗粉紅色，
好岩唔想比店員騷擾嘅人黎買野！加分！
當時買滿咗一定價錢，
有得扭蛋抽獎。
最後抽咗一對耳環。
行行下見到芭樂，
黎台灣真係必食，
而且旅行冇咩食過生果，
就買黎食啦。
我哋食咗咁多小食真係唔係好肚餓，
但臨返酒店都係食返個正餐先，
最後見到呢間轉角慾到鍋燒&咖哩飯，
食新加坡fusion台灣野嘅。
好可惜呢間小店已經結業啦。
我哋每人order咗一個鍋燒。
仲加咗米血糕同黑輪。
食到飽飽我哋就返酒店啦。
呢度就係我今日嘅戰利品！
主要都係新堀江商圈買架。
旅遊日期：2019年11月2日 - 2019年11月4日
=========================
=========================
| 覺得呢篇blog幫到你， 記得like Facebook Page: https://www.facebook.com/fatbjai.travel/ follow Instagram: fatbjai.travel https://www.instagram.com/fatbjai.travel/ YouTube: 曳豬到爆炸 收到個blog的最新update！ |
=========================
0 comments