我哋係kkday book咗台中火車站到清境民宿共乘接送服務，

落咗車之後，

都要拖住喼行呢度路先至到lobby。

我哋到埗個日好大霧，

好彩第二日好好天，

叫做係清境體驗咗兩種唔同嘅天氣。

大門口出面有個歐式嘅小噴水池。

第二日好好天氣，

我哋就影下相啦。

同歐洲啲噴水池黎比就好普通，

但台灣黎講都幾靚。

難得天氣好好。

民宿嘅正門口。

呢間民宿設計到好似城堡咁，

但加埋當時農曆新年嘅裝飾，

就有啲格格不入。

一入去就係民宿嘅接待處。

留意番接待處後面已經有幾層樓梯，

其實呢間民宿係冇電梯架，

所以係要拎住自己嘅喼行上房。

我哋當時係豪斯登堡官網度book，

入住日期係26/1-27/1，

房型係豪斯登堡VIP雙人房，

價錢係TWD$9200晚， 大約係HKD$2300，

當時係年初二，房價都特別貴，而且其他民宿都好full。

呢間民宿係有泡湯區，

姐係桑拿同冷暖池，俗稱三溫暖。

呢度寫大人要比TWD$350，

但民宿嘅住客係免費使用嘅，

但係我哋就無去泡湯啦。

我哋住係6樓，

拖住喼行6層真係攰死，

6樓有張梳化比人坐下休息。

我哋住6209號房。

一入門口就有條走廊，

牆上有個掛鉤比人掛衫。

走廊右手面有度門，

係通向浴室。

估唔到會有兩個洗手盤！

可惜唔係用免治馬桶，

而且風筒係好弱雞個款。

浴室入面有個大浴缸。

浸住浴可以望到出面嘅景色。

馬桶嘅對面係毛巾架。

除咗浴缸，

仲有個淋浴嘅位置。

離開浴室，

走廊嘅盡頭就係客廳。

呢度有個茶壺仔，

上面有水、水壺、杯、拖鞋等。

客廳好寬敞，

有壁爐、電視、兩張梳化。

另一面嘅牆壁，

零零捨捨係地下放咗部雪櫃仔。

再行入去就係睡房嘅area。

張床其實係電視機後面。

============