想睇番西歐五國星馬畢業遊的行程，請睇行程篇 (27日景點行程分享,機票資料)
～今日的行程～
5月19日：搭Euro Star，由倫敦St Pancras火車站去巴黎Paris Nord火車站 -> 巴黎聖母院Cathédrale Notre-Dame de Paris -> 藝術橋 Pont des Arts -> 午：The Cafés de la Pyramide -> 羅浮宮 Louvre Museum -> 晚：Art Bistro (法國菜)
我地會搭7:55am的Euro Star去巴黎Paris Nord火車站，
所以7:10am就出門口啦！
早在2月22日就係網上買左Euro Star的火車票，
我地買Stardard Class，
價錢係£65一個人，
另外加£3信用卡手續費，兩人總共£133。
Btw，我地住個間酒店行兩條街口就到搭Euro Star的火車站 - St Pancras International國際火車站，
非常方便呀！
酒店Review請睇：酒店篇 (英國倫敦King's Cross,Crestfield Hotel)
左手面呢個就係St Pancras International國際火車站，
係酒店出發行左5分鐘就黎到。
7:18am 搭Euro Star條隊已經出現人龍！
大家記得早半個鐘就黎搭車啦，
因為真係超級多人排隊，
仲要過海關＆安檢添呀！
搞左半個鐘終於上到火車啦，
座位都幾舒服。
車頂有螢幕。
我地的“早餐”，就係琴日買的Graze Smokehouse BBQ Crunch。
同埋Kettle Chip。
由倫敦搭去巴黎要2個鐘22分鐘，
巴黎比倫敦快1個鐘，
所以會係11:17am去到巴黎Paris Nord火車站(巴黎北站Gare du Nord)。
我地一到達巴黎拖住行李就開始步步為營，
因為巴黎呢個騙子之都，
我地都唔敢鬆懈，
所以係唔記得左影到巴黎北站Gare du Nord的樣 哈哈。
之後我地就去左巴黎北站的地鐵站，
我地會搭去酒店附近的Place de Clichy站。
網上好多人都話巴黎人好鐘意搭地鐵逃票，
我地就唔敢試啦。
巴黎的地鐵係一程劃一收費，
一張單程票係€1.9，
我地一次過買左10張單程票，會平D，總共€14.5。
一程原來咁貴唔怪得之D人會逃票啦！
我地會係呢間Hotel R de Paris住3晚，
話說法國的酒店門口會標明自己幾多星級，
我地住呢間係4星級！
遲D同大家Review下間酒店啦。
Check in完 放底行李之後，
我地就出發去巴黎聖母院。
我地係地鐵站見到間麵包鋪，
叫做Bonne Journée，意思係Have a nice day。
我地就買左個紅莓撻Tartelette Framboise €2.7，
係驚為天人咁好食！
呢間野好多地鐵站都有，
大家黎巴黎要買黎試下！
同埋朱古力冬甩Donut Chocolate €1.8，
兩樣加埋€4.5。
我地今日會去3個景點：巴黎聖母院 -> 藝術橋 -> 羅浮宮。
1:30pm黎到行程第一站巴黎聖母院Cathédrale Notre-Dame de Paris，
佢係1345年建成的法國哥德式風格的教堂，
我地係門口打個卡就入去參觀下啦。
教堂入面樓底非常高
而且非常之大
入面都掛左唔少油畫
入面每一個角落都好值得影相，
真係睇到眼花撩亂，
唔知放眼去邊一樣野好呀。
除左入面好多野睇之外，
教堂外面的設計都好令人讚嘆！
外牆有數不盡的雕塑，
每一個雕塑都雕刻得好細緻。
教堂的側面。
教堂旁就係塞納河。
係呢度望番去巴黎聖母院係更加靚。
然後我地就沿住圖中的前方直行。
話說就係呢個紅綠燈位就有惡狗黨，
騙子用狗帶拖住兩隻好惡的狗，
D狗見到目標就會圍住佢係咁吠，
個騙子就會可能乘機問你討錢啦，
所以大家見到呢D惡狗離遠就要彈開啦！
行到接近藝術橋(又稱為愛情鎖橋)就見到有D檔攤賣鎖架啦，
我地買左個鎖€3，
各位情侶記得自備筆係鎖上面寫字呀，
費時又嘥錢買筆啦。
行行下見到座好靚的建築物，
原來佢叫做法蘭西學會Institut de France，
係法國的權威學術機構黎。
法蘭西學會對出的就係藝術橋Pont des Arts(又稱為愛情鎖橋)啦，
但因為係2014年部分的圍欄因為太多鎖而塌左，
於是政府就拆哂D鎖，
換成透明的玻璃板，
所以大家見唔到當年掛滿「愛情鎖」的盛況。
圍欄唔比人掛鎖，
於是遊客就揾方法掛去其他位置，
例如燈柱上，
男朋友就即席掛左我地買的鎖啦。
最底就係我地個鎖啦。
唔想擒咁高可以掛係燈柱下面。
係我地影緊相的時候，
坐係一邊的法國女士就主動話幫我地影相，
西方人都比較主動去幫人呀！
黎到羅浮宮Louvre Palace，
佢係14世紀開始就作為法國國王的宮殿啦，
係1793年羅浮宮的一部分就成為左博物館。
另外呢度好多簽名黨，
聽聞佢地會扮一D組織，
行過黎揾你簽名支持，
簽完名就會叫你比錢！
再繼續行就會見到羅浮宮巨標誌性的透明金字塔，
呢個咁Signature的金字塔係由美籍華裔建築師貝聿銘I. M. Pe設計，
係1989年建成的，
除左最大個個，其實仲有三個細的係隔離。
最大個個金字塔就係羅浮宮 Louvre Museum的正門入口，
呢度係排隊入去做安檢，
排隊的時候會有黑人會向你兜售紀念品，
聽聞都幾抵買，
但我地就無問到價啦。
注意：羅浮宮星期二係休息架！
安檢個過程都好快，然後落電梯就入到黎金字塔的入面啦。
入到黎係一個大堂黎，
之後要揾售票處再排隊買飛架，
買完飛就可以入場參觀架啦。
羅浮宮博物館非常大，
所以入場的門口都有幾個，
邊個入口入到去都相通到，
所以唔洗太擔心。
入場券即場買係€15，
預先網上買要€17 (可以慳番現場排隊的時間)。
3:30pm下午茶時間，
買完飛我地就去左羅浮宮入面的The Cafés de la Pyramide醫醫肚先，
位置：Under the Pyramid – Lower ground floor – Richelieu wing
雞肉漢堡＋薯條 €12
沙律＋腸＋薯條＋果粒橙 €12
呢張係我同呢副Gucci太陽眼鏡的最後一張合照，
因為我係羅浮宮入面比人偷左！
呢副眼鏡係Day4係英國Bicester Village買架 Blog連結
(註：今日只係Day6!)
=========================
羅浮宮真係非常之大，
我地只係走馬看花咁參觀，
以下係我地影左部分的展品～
Venus de Milo斷臂維納斯，
係羅浮宮知名的收藏品之一，
係希臘出土，
佢係因為遺失左神秘的雙臂而出名，
而且佢的身型係完全符合黃金分割的人體比例，
所以被舉世公認為女性人體美的標準。
除左世界各地的展品之外，
羅浮宮的裝潢都好華麗！
然後就黎到油畫的展區，
D油畫每幅都好巨型。
終於見到蒙娜麗莎Mona Lisa，
相信無人唔認識呢個作品，
佢係羅浮宮最多人最迫的地方！
(我懷疑太陽眼鏡係呢度被偷)
之後黎到呢個展區，每幅油畫都係成幅牆咁高咁大，
當時的畫家係畫幾耐先完成一幅作品架呢？
薩莫色雷斯的勝利女神Winged Victory of Samothrace，
都係羅浮宮知名的收藏品之一，
藝術歷史教授H.W. Janson形容呢個雕像係「希臘雕塑最偉大的傑作」。
發現到義大利文藝復興時期的畫家Giuseppe Arcimboldo的作品，
佢出名在於用生果、蔬菜、花、魚、書等等拼成人物肖像的油畫，
上面個幅係“Autumn”，下面個幅係“Spring”。
仲有復活節島好出名的Moai石像。
我離開博物館之後就發現 掛係心口前面的太陽眼鏡唔見左，
於是我地就用番張入場券入場 (張入場券原來可以再入場！)
行番我地經過的展區睇下，
都搵唔到副太陽眼鏡。
於是我地就去左大堂的Lost and Found度報失啦，
職員Check左紀錄，
都未有人執到副太陽眼鏡，
佢比左個電話號碼我地查詢。
第二日我地再去羅浮宮的Lost and Found問下，
都係無人執到副太陽眼鏡，
於是我地就死心了～
=========================
7:22pm我地離開左羅浮宮，
下一站去左上角的Jean-Paul Hévin的朱古力店，
係香港食過覺得好好食，
但係2016年就撤出左香港，
於是黎到法國就想試下，
可惜因為用左D時間去報失，
去到間鋪頭已經收左，
無緣再試。
(BTW好彩今年4月係東京旅行見到呢間野，
立即買左盒朱古力＆Macaron)
=========================
(第二朝補影個門口)
晚上我地去左酒店附近的一間法國餐廳食飯，
叫做Art Bistro，
地址：56 rue de Clichy, 75009 Paris, France
我叫左支啤酒 €4.7，
Leffe啤酒係獲驗證的比利時修道院風格的啤酒(Abby Beer)黎。
男友一杯叫Charly的飲品 €6，
我地都唔記得係咩黎架啦。
食歐洲菜即使我地無叫到湯飲，
例牌會有籃麵包比你食。
Escargot au Bleu €9.5 法式田螺，
黎到法國我地餐餐法國菜都會叫田螺食，即係法國蝸牛。
Foie Gras de Canard Entier a la Confiture de Figues €15.5 鵝肝配無花果果醬
(Entire Duck Foie Gras with Fig Jam)
黎到法國就緊係叫番碟鵝肝啦。
Faux Filet Grillée (190 grs) €14 煎肉眼牛扒
(Grilled Rib Eye Steak with Sauce)
法國西南部的特色菜Assiette Campagnarde €12，
中文大約意思係鄉村婦女菜，
材料有Potatoes薯仔, Pork Shoulder豬肩肉, Mushrooms Sauce蘑菇汁, Cantal Cheese法國康塔爾省的芝士。
西歐的夏天日照好長，
夜晚9點鐘個天都仲好光！
法國人食野真係好講究，
雖然間野唔係咩高級餐廳，
佢都會問你邊碟菜上先，
亦都關心有幾多碟Starter & Main course，
總括黎講，D野食係超級好味！
Total係€61.7，
睇番張單先知酒係比20%稅，而食物就10%稅。
巴黎的第一晚完～
=========================
| 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ |
《西歐五國星馬畢業遊》
行程篇 (27日景點行程分享,機票資料)
Day1 (出發去倫敦,維也納轉機驚魂事件,奧地利航空)
酒店篇 (英國倫敦Paddington,Castleton Hotel)
Day2 (白金漢宮,西敏寺,大笨鐘,Oxford Street,Fish＆Chips,柏靈頓)
酒店篇 (英國倫敦,Conrad London St. James)
Day3 (大英博物館,倫敦塔橋,Harrods,Burger&Lobster,Nandos)
Day4 (Bicester Village戰利品分享,itsu英式日本快餐,Five Guys)
Day5a (英國巨石陣Stonehenge,世界文化遺產)
Day5b (九又四分之三月台,倫敦最好食的葡撻,印度菜)
酒店篇 (英國倫敦King's Cross,Crestfield Hotel)
Day6 (倫敦去巴黎,羅浮宮,巴黎聖母院,愛情鎖橋)
Day7 (凱旋門,聖心堂,香榭大道,巴黎鐵塔下睇夜景)
Day8 (Palace of Versailles,係凡爾賽宮嘆下午茶)Day1 (出發去倫敦,維也納轉機驚魂事件,奧地利航空)
酒店篇 (英國倫敦Paddington,Castleton Hotel)
Day2 (白金漢宮,西敏寺,大笨鐘,Oxford Street,Fish＆Chips,柏靈頓)
酒店篇 (英國倫敦,Conrad London St. James)
Day3 (大英博物館,倫敦塔橋,Harrods,Burger&Lobster,Nandos)
Day4 (Bicester Village戰利品分享,itsu英式日本快餐,Five Guys)
Day5a (英國巨石陣Stonehenge,世界文化遺產)
Day5b (九又四分之三月台,倫敦最好食的葡撻,印度菜)
酒店篇 (英國倫敦King's Cross,Crestfield Hotel)
Day6 (倫敦去巴黎,羅浮宮,巴黎聖母院,愛情鎖橋)
Day7 (凱旋門,聖心堂,香榭大道,巴黎鐵塔下睇夜景)
酒店篇 (法國巴黎,Hotel R de Paris)
Day9 (《Inception》電影拍攝場地－比爾阿克姆橋)
酒店篇 (睇到巴黎鐵塔的酒店Hôtel La Comtesse)
Day10 (巴黎鐵塔,聖路易島的雪糕,Ryanair飛羅馬)
酒店篇 (羅馬Ciampino機場,Hotel Palacavicchi)
Day11a (搭火車黑仔事件,梵蒂岡,羅馬許願池,萬神殿)
Day11b (羅馬鬥獸場,古羅馬廣場,GROM雪糕)
酒店篇 (羅馬,Hotel Nord Nuova Roma)
Day12 (佛羅倫斯,The Mall,聖母百花大教堂,領主廣場,T-bone牛排)
Day13 (佛羅倫斯周邊打卡勝地：比薩斜塔＆五漁村)
酒店篇 (佛羅倫斯民宿推介,Home Boutique Santa Maria Novella)
Day14 (威尼斯,彩色島,聖馬可廣場)
酒店篇 (威尼斯,Ca' Pagan Guest House)
Day15 (威尼斯不愉快事件,米蘭曲折之旅,米蘭大教堂,艾曼紐二世迴廊)
酒店篇 (米蘭,Hilton Milan)
Day16 (米蘭去瑞士Grindelwald,瑞士火車pass要點揀?Domodossola退稅分享)
酒店篇 (瑞士山區Grindelwald,望到阿爾卑斯山的Hotel Lauberhorn)
Day17 (玩轉瑞士少女峰！原來有咁多野好玩！)
Day18 (瑞士Grindelwald玩刺激活動/行山的聖地 - 佛斯特 First)
Day19 (瑞士Grindelwald享受一日慢活)
Day20a (瑞士琉森,卡佩爾木橋,垂死獅子像,蘇黎世)
Day20b (蘇黎世機場退稅,瑞士航空,Aspire Lounge)
0 comments