第4日的行程～
Day4: 永康街->西門町->台北車站->桃園機場->香港機場
——————————————————————————————————-


最後一日，起身之後食酒店早餐，然後去係酒店度做gym。
詳睇去台灣嘆 之 台北住宿篇 (台北車站,凱撒大飯店)

之後我地就執行李check out 啦。
今次間酒店好近機場巴士，所以我地無好似上次去台灣咁將行李放係台北車站的locker到，
我地將行李寄係酒店，然後臨去搭車去機場先至拎番。

拎番呢張卡番去凱撒就拎到行李啦！
－－－－－－－－－－－－－－－－－－－－－－－－－－－－－－－－－－

之後我地就去左上圖星星的位置，即係國光台北西站買定金光客運1819去桃園機場的車票。廢時走先至買會趕唔切！
－－－－－－－－－－－－－－－－－－－－－－－－－－－－－－－－－－－－－－－－
然後我地搭去忠孝敦化站去糖村買手信！
我地剩係買左法式牛軋糖，一個小包一個大包。
地址：台北市大安區敦化南路一段158號

法式牛軋糖-經典包 500g，NT$350。呢盒細D係for我男朋友食。

法式牛軋糖-香榭禮盒 700g，NT$490。呢盒大D係for我食同拎黎做手信！
糖村D牛軋糖好香好正好咬！食完一粒又想食一粒！
拎黎做手信都唔錯！但夏天拎出街D牛軋糖好易變軟淋左，但都仍然咁好食的！

－－－－－－－－－－－－－－－－－－－－－－－－－－－－－－－－－－
之後我地搭捷運去東門站去永康街搵食啦！
原本想去食鼎泰豐，但門口實在太多人排隊，我地轉戰度小月！
我地上次黎台灣都有食度小月，不過係忠孝敦化站個間，個間就大D！
詳睇去台北嘆 之 Day3 (忠孝敦化,台北車站,西門町,度小月,Dazzling Cafe,阿毛)
地址：台北市大安區永康街9-1號

原本叫左5樣野，但酥炸花枝丸竟然無！所以食左4樣野only。

魚子醬蘆筍雙色捲NT$240
同我之前食的龍蝦卵河粉捲好似，只係多左D魚子醬係D卷上面，但價錢就貴左NT$40！

祖傳肉燥飯(大)，NT$55。上次都有食，依然係咁好食！

擔仔麵，NT$50，上次都有都有叫呢個，都係咁幾好食。哈哈

黃金蝦捲NT$200，脆脆的好好食！好想再叫多左碟食！但係又想留肚試永康街其他野食！唯有收肚！
連埋加一最後食左NT$600。

之後我地去左府城台南美食食野
地址：台北市大安區永康街31巷2號


古早味蚵捲NT$85，好味！

招牌蝦仁肉丸 NT$50，幾滑，好味！
總共食左NT$135。
－－－－－－－－－－－－－－－－－－－－－－－－－－－－－－－－－－－－－－－－
食飽之後就搭捷運去西門町行街

行行下覺得口渴就去左呢間Chachago茶茶果買野飲
地址：台北市萬華區漢中街36-1號

珍珠奶茶NT$45，硬係覺得香港D珍珠奶茶好飲D

行到攰就去左天天利美食坊食野
地址：漢中街32巷1號

滷水蛋加蛋(大) NT$55，正！加蛋是必需的！
雞蛋蚵仔煎NT$60，好味！都係必食之選！
總共食左NT$170。

臨離開西門町前去左港記酥皇店買手信
地址： 台北市漢中街6號之2(近西門町東龍飯店對面)

上次黎台灣買左原汁豬肉乾、御品秦皇酥同翡翠綠豆糕
但今次剩係買左我最愛食的翡翠綠豆糕，20個裝NT$550。

－－－－－－－－－－－－－－－－－－－－－－－－－－－－－－－－－－
我地番台北車站去酒店拎番行李
臨去酒店前，我地係地鐵站退番悠遊卡，張卡用唔夠3個月會收NT$20手續費。
然後我地去Mister Donut買野，用哂我地剩番的錢。


美好套餐NT$70，我地揀左一杯冰蘋果果茶(NT$55)+一個蜜糖巧克力波堤(NT$35)，套餐平NT$20。
另外仲加左雙層巧克力波堤NT$35、草莓巧克力波堤NT$35
總共NT$140，有3件donut同一杯野飲！Mister donut真係好好食！

係永康街買左D貼紙，用黎貼係個喼度，落機拎行李個陣易認D ma。
係酒店拎完行李有D時間剩，我地就裝飾下個喼啦！

話說2015年9月去左新加坡，到左新加坡拎行李之後就發現呢張貼紙甩左啦 :'(
呢兩張貼紙仲係度！無甩到哈哈！
－－－－－－－－－－－－－－－－－－－－－－－－－－－－－－－－－
之後我地就搭金光客運1819去桃園機場搭機番香港啦！
我地搭9:50pm 機番香港。
原本諗住係機上睇埋去個程未睇完的《撤嬌女人最好命》，但係架機竟然係無機上娛樂 (估唔到搭長榮航空都無，中華航空搭過兩次，來回程都有架)，唔係一人一個mon，我搭飛機最失望就係遇到無機上娛樂，或者N個人share一個Mon。

雖然機程唔長，但都起碼一個鐘，所以只好訓教休息下啦。

長榮D飛機餐真係幾好味，來回兩程都唔錯！

Day4完～

2015年9月去完3日新加坡，之後的blog會同大家分享我係新加坡點嘆，仲有分享呢次係台灣買左D乜化妝／護膚品。

=========================


其他文章：
大家可以係menu bar度揀《去台灣嘆》的其他文章
去台灣嘆 之 Day1 (長榮航空,桃園機場去台中,逢甲夜市)
去台灣嘆 之 Day2 (宮原眼科,第二市場,太陽餅街,台中去台北,蘋果工房)
去台灣嘆 之 Day3 (宜蘭,礁溪,溫泉魚,Afternoon Tea)
去台灣嘆 之 Day4 (永康街,西門町,度小月,府城,天天利)
去台灣嘆 之 台中住宿篇 (理想與現實,Airbnb中伏)
去台灣嘆 之 台北住宿篇 (台北車站,凱撒大飯店)
去台灣嘆 之 戰利品篇

《去台北嘆》系列
一家去台北 之 住宿篇 (西門町,愛客發時尚旅館)