11月3日：早：酒店早餐 -> 美麗島捷運站光之穹頂 -> 中正路喜餅街 -> 大魯閣草衙道 -> 午：春水堂 -> 鈴鹿賽道樂園 -> 高雄機場 -> 香港機場

今日依舊都係食酒店嘅早餐，

下篇blog會詳細介紹間酒店。

食完嘢我哋就去捷運美麗島站。

身後呢個就叫做「光之穹頂」，

係高雄最出名嘅景點之一。

呢個公共藝術係由意大利藝術家水仙大師(Narcissus Quagliata)親手打造，

用咗成4500片玻璃。

彩色嘅玻璃背景好適合打卡。

係光之穹頂影完相之後，

我哋就喺美麗島捷運站一號出口離開，

嚟咗中正路喜餅街，

我哋黎喜餅街唔係因為有人就嫁，

而且為咗買手信！

嚟喜餅街就係為去呢間舊振南餅店，

舊振南餅店創始於1890年，

已經有超過130年嘅歷史。

嚟台灣唔少得買鳳梨酥。

仲有太陽餅。

鳳梨酥同太陽餅食到好悶，

就可以試下綠豆椪，

原來綠豆椪係台式嘅傳統月餅黎架。

我哋周圍行吓為手信做最後衝刺，

最後大家買到咁多袋XD

我哋執好啲戰利品落喼就check out啦。

跟住我哋就搭捷運到草衙站，

臨返香港之前去「鈴鹿賽道樂園」度玩！

玩之前就鎖行李落locker先。

我地首先黎大魯閣草衙道 Taroko Park 度食個lunch先！

(2022年8月已經改建成SKM Park Outlets 高雄草衙)

我最後揀咗春水堂，

貪佢係台灣菜同埋坐得舒服。

呢碟係雪白菇芥藍，TWD$80。

呢碟係黃金日式蝦排，TWD$135。

呢碗係御品牛肉麵，TWD$180。

我叫咗東坡肉套餐，TWD$280。