旅遊日期：2015年1月5日至1月8日

2015年去左台北嘆左4日3夜 (5/1-8/1)，

話說咁大個女都係第一次自己去自由行同埋第一次去台灣，

所以都Google左唔少資料，

但發現個個人講的野又唔同，

最後都係要親身經歷先搵到答案。



1.兌換台幣邊度至抵？
兌換台幣係ATM度禁台幣係最抵！（只限背後有銀聯Logo的提款卡，其實大部分的提款卡都有銀聯的）不過記得出發去台灣之前開通提款卡的海外提款的功能。而開通海外提款的功能都好方便，係ATM或者網上銀行搞就得。之後去到台灣係有銀聯的ATM度揀銀聯，然後禁所需金額的台幣就得啦！基本上大部分的台灣ATM都係有銀聯架！

＊記得係用有銀聯的提款卡，唔好用左銀聯的信用卡，因為信用卡所收取的服務費比提款卡高好多。


以我為例，1月5號係台灣ATM度禁＄12000台幣，銀行扣左我2962.16（當中包括＄20手續費，係按每次收費）。唔計個20蚊手續費，匯率大概係4.05。而當時的找換店全部都係做緊3.9X，而且仲好多人排隊兌錢，相反ATM就少好多人排隊，而且匯率亦高D。

＊機場的ATM就係出閘後的右手邊，賣電話卡同找換店之間。大家可以係ATM禁完台幣之後，去隔離買電話卡，十分方便。



2.悠遊卡退卡洗唔洗手續費？
悠遊卡用過5次以上同埋用左3個月以上就會免收手續費，否則就會收＄20台幣手續費。一般遊幾日台灣，張悠遊卡用左幾日咁大把，所以會收＄20手續費。退卡去捷運站的詢問處度同佢講就得啦。

＊關於悠遊卡
悠遊卡同八達通差唔多，搭捷運、台鐵、公車都可以用悠遊卡。但係機場巴士就要買飛啦。此外，我係台灣的7仔問過都無得買悠遊卡，要係捷運站的詢問處或者悠遊卡售卡/加值機先有得賣 (後加補充：我係微風台北車站的7仔度問的，店員叫我落去捷運站買)。特別一提，悠遊卡加值機係可以入銀仔去增值，最後一日無乜錢剩，唔想增＄100咁多，可以入銀仔增值，增幾蚊都得架！



3.明信片同明信牌(木製明信片)的郵費係幾多？
去旅行好多人都鐘意寄名信片比朋友當手信，我都唔例外。其實好多賣明信片的鋪頭買完即寫可以幫你寄埋，但我就想自己寄同埋慢慢寫。咁郵費係幾多呢？我係忠考敦化站的郵局寄的時候問左郵費，寄去香港普通明信片＄7台幣，明信牌(木製明信片)就要＄12台幣。係郵局買同貼好郵票，放係郵局門口的郵箱就得啦。




4.香港學生證係台灣都有用？
無錯係有用的！我係美麗華買摩天輪飛的時候出示左香港學生證，係買到優待票＄120，而全票就$150，慳左＄30。學生的你不妨試下買樂園飛乜乜乜的時候出示學生證，都應該會買到學生飛。



5.捷運同台鐵路線圖好難睇？
旅遊書同埋網上面都會分開捷運路線圖同台鐵路線圖，每次搭車同plan行程都覺得好麻煩，明明捷運同台鐵都有相交的站，點解唔合埋一張方便我睇呢？搞到我睇完捷運路線圖再睇台鐵路線圖，然後睇番捷運路線圖......不停loop....最後我係台鐵的八堵站發現到捷運同台鐵的合併路線圖，我拿拿林拎部電話出黎影低方便之後睇路線。


清楚D的圖 (攝於2015年，而家捷運同台鐵的路線都可能有更改)
https://www.dropbox.com/s/d9vr7tu9jy3f9ky/%E5%8F%B0%E5%8C%97%E6%8D%B7%E9%81%8B%E5%8F%B0%E9%90%B5.jpg?dl=0


=========================

覺得呢篇blog幫到你， 記得like Facebook Page  https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！

=========================

其他文章：
去台北嘆 之 解謎篇
去台北嘆 之 酒店篇 (台北西門町,豪景大酒店)
去台北嘆 之 Day1a (中華航空,機場巴士,台北車站,電話卡)
去台北嘆 之 Day1b (漁人碼頭,情人橋,淡水老街,士林夜市)
去台北嘆 之 Day2a (平溪,放天燈,菁桐,許願竹)
去台北嘆 之 Day2b (九份,饒河街夜市)
去台北嘆 之 Day3 (忠孝敦化,台北車站,西門町,度小月,Dazzling Cafe,阿毛)
去台北嘆 之 Day4 (松山文創園區,誠品生活松菸,美麗華摩天輪,Bigtom)
去台北嘆 之 購物篇 (化妝品,護膚品)

《去台灣嘆》系列
一家去台北 之 住宿篇 (西門町,愛客發時尚旅館)