話說2017年1月去左沖繩，
返香港搭港龍航空，
落機個陣漏左部相機唔記得拎，
發現的時候我已經等緊拎行李，
然後男友就立即行去行李詢問處到報失。
(At the same time，我打去國泰hotline，職員叫我打去港龍，
打去港龍hotline又無人聽，激死)

好彩counter的職員服務幾好，
男友講失物的特徵，
然後佢幫我地填form開file，
仲即刻打去check下我地座位附近有無執到相機，
當時機上係發現到部相機，
但程序上的問題，唔可以即刻比部相機我地，
Office確認左部相機係我地，
先會打電話通知我地去拎。
最後佢就比左張卡片我地啦。


好好彩，第2日晨咁早就打黎通知我地去拎番部相機，
叫我地去卡片上的地址。
地面運輸中心 3PC036室
我地完全唔知係邊，
上網search 個地址都無乜資料，
剩係搵到係巴士總站落車，即係“機場（地面運輸中心）”
為左慳車錢，今次剩係派左男友去執行任務。(我係屋企遙距控制佢:P)

以下就係佢總結出去3PC036室的最快捷心得啦！
(佢行左唔少冤枉路架！)

首先係巴士總站落車往T2方向行，就會見到呢個門口。

行入去望右邊就會見到呢個路口，然後行入去。

行入去之後，左手面第一個凹位就係啦。
你會見到一個好低調的”HAS行李服務”的指示。

根據指示行入去，就會見到咁，
行入去右手邊道門入去就係個office 啦！

－－－－－－－－－－－－－－－－－－－－－－－－－－－－－
同大家簡單講下去3PC036室要注意(男友中左伏)的地方！
1.

如果你無係第一個凹位行入去，行過龍的話，
就會見到第二個凹位，即係圖中所示，而且有張地圖。

張地圖雖然顯示左3PC036室的位置，
但係張地圖無講個入口係邊，完全係無幫助！
你要做的係行返出黎，3PC036室的入口就係Spa的左手面。

2.如果你係T2行行下，行左去Lounge(國泰/環亞機場貴賓室)個度，
Lounge的對面你會見到HAS的logo

你見到門牌寫住3PC036的門牌好開心，
但其實呢個係職員通道黎架！
你要做的係出返黎，你會見到附近有個電梯上去，
上左電梯然後轉左，就會行返去T2的門口啦！
然後根據我上面的路線就會行到去3PC036啦。

－－－－－－－－－－－－－－－－－－－－－－－
希望幫到想去3PC036的你！
而且大家落機記得check清楚先走呀！