5月29日：由米蘭搭火車 -> Domodossola退稅 -> 瑞士的格林德瓦 Grindelwald -> 午晚餐：VOI Migros超級市場
想睇番西歐五國星馬畢業遊的行程，請睇行程篇 (27日景點行程分享,機票資料)
想睇番西歐五國星馬畢業遊的行程，請睇行程篇 (27日景點行程分享,機票資料)
今日我地就由意大利米蘭出發去瑞士啦，
係酒店食左個豐富的早餐就check out出發啦。
米蘭的酒店review可以睇呢個post。
=========================
我地今次都係搭意大利國鐵Trenitalia，
由Milano Centrale火車站搭11:23am的火車去Domodossola火車站，
Domodossola係意大利的一個市鎮，鄰近瑞士的邊境。
由於瑞士並非歐盟成員，
所以我地係歐盟國家(如:英國、法國&意大利)買的退稅產品，
就要係旅程入面最後一個歐盟國家(以我為例子，即係意大利)度吸海關印，
而Domodossola的火車站有得吸海關印，
所以我地就火車搭黎Domodossola先啦。
另外由於意大利＆瑞士都係申根區的國家，
所以我地搭火車去瑞士係唔洗過關架。
想知多d申根區有咩國家可以去Wiki睇。
由於我地都唔知係Domodossola會唔會吸好耐海關印，
所以張車飛剩係買到Domodossola就算，
打算吸完印先至買之後的車飛。
我地買左Super Economy standard座位，
價錢每人係€19.8。
到左Domodossola火車站，
我地就拿拿林拎行李落車，
呢個時候就見到有個職員打開個公事包，
係月台度幫人吸海關印，
(個感覺好土炮feel)，
而架火車原來會等埋乘客吸完印先開車架！
(早知就唔拎行李落車，同埋霸住個座位啦)。
如果你唔係上番同一架車，
你就要落樓下的海關counter度慢慢吸印，
好似我地搭番同一架車，
就可以比月台入面的職員吸印！
職員拿拿聲吸哂我地d收據。
我地上番火車的之後，
發現原本坐的位已經比人坐左啦，
架火車當時好full，我地都揾唔到有吉位，
企左一個站，捕住有人落車，先至揾到個打對面的位一齊坐。
(當時好狠狽地終於揾到位坐)
=========================
我係瑞士呢四晚都會住係Grindelwald！
而Domodossola到Grindelwald的火車飛，
我地就係瑞士國鐵SBB Mobile個app度買，
因為我地買左瑞士Half Fare Card CHF$120，
買瑞士的火車飛會有半價！
所以買Domodossola去Grindelwald個三程火車都可以半價！
Domodossola -> Spiez ＋Spiez -> Interlaken Ost ＋Interlaken Ost - > Gindelwald，
總共每人係CHF$33.7。
其實瑞士有好多唔同的火車通行證rail pass，
而我買的呢張Swiss Half Fare Card，
除左買火車飛有半價外，重點係買上雪山的火車飛(例如去少女峰的火車飛)都有半價！
適合會上山峰，又唔會搭火車去好遠距離的旅客，
因為上山峰的半價飛，會為你慳返好多錢！
雖然我地剩係逗留5日，但張pass係有效一個月架。
另一張好多人買的rail pass係Swiss Travel Pass，
佢的特點係搭火車免費，連火車飛都唔洗買，
但買少女峰的火車飛就只有75折，
如果你搭勁長途火車，玩盡瑞士多個景點，Swiss Travel Pass就係一個好選擇。
呢個網站介紹唔同的瑞士rail pass & 買rail pass的貼士，
佢建議大家list低哂會搭d行程&價錢，
計算邊張pass為你慳到最多錢！
而我就計到Swiss Half Fare Card對我的行程黎講最抵啦。
我地Domodossola搭一個鐘就到瑞士的Spiez，
一到左瑞士的國土，
完全係另一番景象！
眼前都係一片綠油油的山景。
然後係Spiez搭廿分鐘到Interlaken Ost。
話說係英國、法國、意大利最怕就係轉車，
因為英法意d地鐵99%都無電梯/lift，
下下都要拎住d行李行樓梯 (拎到手都痛)，
而瑞士d鐵道就有斜路比人行去其他月台轉車，
終於唔洗搬行李行樓梯啦！
最後係Interlaken Ost搭半個鐘就會到達Grindelwald，
呢一程火車的座位，都會貼左少女峰呢一帶的火車路線圖。
我地係香港兌左CHF$500(瑞士法郎)，
大約係HKD$3950港紙。
呢半個鐘的車程，窗外都係一片護眼的景色。
終於見到咁大座雪山，當時覺得好震撼。
隨便影都係一幅畫咁靚。
3:10pm，搭左3個半鐘的車，終於由米蘭黎到瑞士的Grindelwald，
搭左4程車，窗外風景係一程比一程靚，
阿爾卑斯山係越黎越近！
=========================
大家可能都未聽過Grindelwald，
Grindelwald(格林德瓦)係位於瑞士Canton of Bern(伯爾尼州)中部的市鎮，
屬於Interlaken(因特拉肯)區內的直轄市，
Grindelwald位於海拔1034米，處於伯爾尼茲阿爾卑斯山脈Bernese Alps。
瑞士分左四種語言區：德文、法文、意大利文、羅曼什語，
我地呢5日所到之處都係屬於德文區！
我地會係Grindelwald住四晚，
除左為左揀個靚天氣的日子上少女峰之外，
就係為左培育出無污染、無添加的瑞士山區肺！
(哈哈，大家有無睇過龍咁威2003呢?)
一落車就買支水飲飲先CHF$1.5，
支水仲可以拎黎玩添。
由於我地張電話卡無得打電話，
我地用左CHF$1係電話亭打電話比酒店開車接我地。
係Grindelwald座雪山就好似係你眼前咁近！
係Grindelwald車站坐6分鐘車就黎到Hotel Lauberhorn。
好似我地非自駕的話，
可以搭121號巴士到Lauberhorn，
或者行25分鐘的山路到酒店。
呢架就係Grindelwald的巴士啦。
點解我地要住咁遠呢？
因為我地間房可以望到呢個咁靚的雪山景！
十分值得去住！下一篇blog會詳細介紹間酒店！
我地check in左之後，
就行落去火車站附近的商店揾野食！
見到咁靚的景觀，
完全無意欲去搭巴士，
梗係慢慢咁欣賞、慢慢咁行落山啦。
呢度簡直係一個世外桃源，
同大自然好親近的感覺！
呢條好多商店的大街有間叫VOI Migros的超級市場，
地址：Dorfstrasse 155, 3818 Grindelwald, Swiziterland。
係我地的午餐/下午茶，
男友食個個BiFi Roll CHF$2.85，
我個個係三文魚三文治 CHF$5.7，
上面分別用左德文(Lachs)、法文(Saumon)、意大利文(Salmone)寫住三文魚。
超級市場無瑞士牌子Mövenpick的雪糕，
我地就試美國牌子Ben & Jerry's 啦 CHF$4.8，
呢個Chocolate Fudge Brownie 味好正，
真係有Brownie係d雪糕入面！
=========================
之後我地周圍行下，
我諗住係瑞士寫postcard，
所以都留意定郵局的位置。
呢度同梵蒂岡一樣，
d郵筒都係黃色架。
我地諗住聽日去洗衫，
見今日無野做就去附近的洗衣鋪視察下環境先，
一見到門口張營業時間表爛蓉蓉，
就覺得呢間洗衣鋪應該會係「管理不善」啦。
洗衣機要入5個一蚊銀，
但我地要去邊揾一蚊銀呢？
呢間洗衣鋪又無職員係度。
乾洗10分鐘要CHF$1，
又係入銀仔。
我地最後決定唔會黎呢間洗衣鋪洗衫，
1. 要入銀仔，唔知去邊度唱。
2. 呢度印象中得2-3部洗衣機，人又唔少，有排排隊。
3. 要拎住d衫行上山番酒店。
4. 對呢間野的印象唔好，好殘舊。
(最後我地係比左酒店幫我地洗，下篇酒店review詳細再講)
離開洗衣鋪我地就慢慢行上山番酒店，
見到草叢有隻貓星人係度玩緊，
生活係Grindelwald的貓星人真係好幸福呀。
呢度有好多戶的鄰居都養牛牛，
佢地個頸上會掛住個啷啷，
每次經過都會聽到佢地頸上的啷啷聲。
酒店有微波爐比旅客叮野食，
所以今晚我地會食係超市買的叮叮肉醬意粉 CHF$4.5，
叮叮卡邦拿意粉Carbonara CHF$4.5，
可能外國的月亮特別圓，連叮叮意粉都好似好食d。
就咁一盒叮叮意粉緊係唔夠啦，
我地仲買左Zweifel的粟米脆片 CHF$2.4，
仲買左佢的沾醬一齊食 CHF$1.3。
仲買左呢個朱古力蛋糕Tradition petit Gâteau au chocolat CHF$3.7，
幾好食！
我地Grindelwald的第一個晚上就完結啦，
聽日將會去歐洲最高的少女峰，密切期待！
旅遊日期：2017年5月14日- 6月10日
=========================
| 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ |
《西歐五國星馬畢業遊》
行程篇 (27日景點行程分享,機票資料)
Day1 (出發去倫敦,維也納轉機驚魂事件,奧地利航空)
酒店篇 (英國倫敦Paddington,Castleton Hotel)
Day2 (白金漢宮,西敏寺,大笨鐘,Oxford Street,Fish＆Chips,柏靈頓)
酒店篇 (英國倫敦,Conrad London St. James)
Day3 (大英博物館,倫敦塔橋,Harrods,Burger&Lobster,Nandos)
Day4 (Bicester Village戰利品分享,itsu英式日本快餐,Five Guys)
Day5a (英國巨石陣Stonehenge,世界文化遺產)
Day5b (九又四分之三月台,倫敦最好食的葡撻,印度菜)
酒店篇 (英國倫敦King's Cross,Crestfield Hotel)
Day6 (倫敦去巴黎,羅浮宮,巴黎聖母院,愛情鎖橋)
Day7 (凱旋門,聖心堂,香榭大道,巴黎鐵塔下睇夜景)
Day8 (Palace of Versailles,係凡爾賽宮嘆下午茶)Day1 (出發去倫敦,維也納轉機驚魂事件,奧地利航空)
酒店篇 (英國倫敦Paddington,Castleton Hotel)
Day2 (白金漢宮,西敏寺,大笨鐘,Oxford Street,Fish＆Chips,柏靈頓)
酒店篇 (英國倫敦,Conrad London St. James)
Day3 (大英博物館,倫敦塔橋,Harrods,Burger&Lobster,Nandos)
Day4 (Bicester Village戰利品分享,itsu英式日本快餐,Five Guys)
Day5a (英國巨石陣Stonehenge,世界文化遺產)
Day5b (九又四分之三月台,倫敦最好食的葡撻,印度菜)
酒店篇 (英國倫敦King's Cross,Crestfield Hotel)
Day6 (倫敦去巴黎,羅浮宮,巴黎聖母院,愛情鎖橋)
Day7 (凱旋門,聖心堂,香榭大道,巴黎鐵塔下睇夜景)
酒店篇 (法國巴黎,Hotel R de Paris)
Day9 (《Inception》電影拍攝場地－比爾阿克姆橋)
酒店篇 (睇到巴黎鐵塔的酒店Hôtel La Comtesse)
Day10 (巴黎鐵塔,聖路易島的雪糕,Ryanair飛羅馬)
酒店篇 (羅馬Ciampino機場,Hotel Palacavicchi)
Day11a (搭火車黑仔事件,梵蒂岡,羅馬許願池,萬神殿)
Day11b (羅馬鬥獸場,古羅馬廣場,GROM雪糕)
酒店篇 (羅馬,Hotel Nord Nuova Roma)
Day12 (佛羅倫斯,The Mall,聖母百花大教堂,領主廣場,T-bone牛排)
Day13 (佛羅倫斯周邊打卡勝地：比薩斜塔＆五漁村)
酒店篇 (佛羅倫斯民宿推介,Home Boutique Santa Maria Novella)
Day14 (威尼斯,彩色島,聖馬可廣場)
酒店篇 (威尼斯,Ca' Pagan Guest House)
Day15 (威尼斯不愉快事件,米蘭曲折之旅,米蘭大教堂,艾曼紐二世迴廊)
酒店篇 (米蘭,Hilton Milan)
Day16 (米蘭去瑞士Grindelwald,瑞士火車pass要點揀?Domodossola退稅分享)
酒店篇 (瑞士山區Grindelwald,望到阿爾卑斯山的Hotel Lauberhorn)
Day17 (玩轉瑞士少女峰！原來有咁多野好玩！)
Day18 (瑞士Grindelwald玩刺激活動/行山的聖地 - 佛斯特 First)
Day19 (瑞士Grindelwald享受一日慢活)
Day20a (瑞士琉森,卡佩爾木橋,垂死獅子像,蘇黎世)
Day20b (蘇黎世機場退稅,瑞士航空,Aspire Lounge)
0 comments